Name: Presentimento – E. A. Mario 1918
Duration: P00H03M40S
Description: Enzo Sirletti, Guitar & Arr.

Presentimento – E. A. Mario 1918

from Luna Nova by Francesco Pellegrino

	/

Streaming + Download

Includes unlimited streaming via the free Bandcamp app, plus high-quality download in MP3, FLAC and more.

Purchasable with gift card

$1 CAD or more
Buy the Full Digital Album

about

Enzo Sirletti, Guitar & Arr.

lyrics

Presentimento

E.A.Mario 1918

Si tu mme vide e chiagnere
quanno stó' 'mbracci'a te,
si tu te siente stregnere
cchiù forte ê vvote, nun 'o ssaje pecché?
Saccio ca t'aggi' 'a perdere,
sento ca t'alluntane,
ca tu te ne puó' ghì primma 'e dimane
pe' nun turnà cchiù a me.

E tanno mme faje chiagnere,
tanno mm'attacco a te
cchiù forte 'e ll'èllera.
Ll'èllera? E, comm'a ll'èllera,
vurrìa murì cu'tté, accussì.

E i' dico: "E' ben inutile
si è destinato già.
Core ca s'hann' 'a spàrtere
nisciuna cosa 'e ppò cchiù avvicinà".
Cchiù 'e bbraccia te 'ncatenano,
cchiù 'o core dice:"Addio".
Ah, comm'è scuro stu destino mio
pe' 'sta fatalità.

E nun te saccio dicere
pecché mm'attacco a te
cchiù forte 'e ll'èllera.
Ll'èllera? Ah, fosse ll'èllera.
Putrìa murì cu'tté, accussì.

Dimme, e si 'e ffronne tornano
ca uttombre fa cadé,
si tutto torna a nascere,
qua' primmavera ce pò stà pe'mmé?
Cchiù 'o core è stracquo 'e chiagnere,
cchiù 'nnammurato 'o sento.
Si mo ce sparte stu presentimento,
pecché mm'attacco a te?

E' ammore? E' ammore. E abbracciame,
comm'io t'abbraccio,
e sóngo peggio 'e ll'èllera.
Ll'èllera. I' sóngo ll'èllera.
Voglio murì, cu'tté, accussì.

credits

from Luna Nova, released December 10, 2020

license

about

Francesco Pellegrino Toronto, Ontario

Pellegrino is a magnetic singer, modulating his versatile tenor voice masterfully in each song.
By John Terauds Special to the Star
Thu., Dec. 5, 2019